عبير الشوق

ياعبير الشوق يانور القمر
الزهر والورد عطره من حلاك

بسم أبوك اللي لنا عز وفخر
وأمك الخيل الأصيلة ياملاك

أفرح بشوفك وينزاح الكدر
ألعبي والطير غرد من غلاك

ياهلا يامرحبا عدّ المطر
يسعد أيامك وصبحك مع مساك

ياغزال الريم فالروض الخضر
بالحسن والزين يوم الله عطاك

ياعنود الصيد مامثلك بشر
في جمالك في دلالك في زهاك

يابعد عمري وروحي والنظر
يرخص الغالي وجعله من فداك

أطلب الله يحفظك طول الدهر
من صواديف القدر ربي حماك