سندريلا

سندريلا الحسن طلّت وابتدا عطر الكلامْ
واخجلت شوق القصايد بإبتسامات المُنى

كل عينٍ تنتظر طلة حلاها ما تلامْ
أقبلتْ نسمةْ حلاها ترسم افراح وسنا
 –
ريم والفرحة قصايد جا يغنيها الحمام
والزهور براحة إيدك بالغلا غنّت لنا

فتنة بالطهر تمشي زادها الزين احتشام
كلْ نجهْ بالسما يوم اضحكت قالت أنا
 –
وردة ما نالها الا شوقها نسل الكرام
محمد اللي في دروب المرجلة حاز الثنا

يا عرسٍ حازت قلوب العذارى بابتسامْ
جعل باقي عمرها انس ومسرات وهنا
 –
وان زهت  ريم  بحلاها واْنْسَت الدنيا الظلام
ما لك إلا تذكر اللي خصّها حسن وسنا

جت يسولف عطرها لليل عن معنى الهيام
كنّها ورد الجنان اللي بغصنه ما أنجنى
 –
جعلها لـ  محمد  سعادةْ وجعل دنياه انسجام
معدن الطيب الرفيع اللي سرى طيبه بنا

يا صلاة الله على خير البشر سيْد الانام
ويا عسى ما يحلق قلوب العروسين العنا
 –
بارك الله ليلةٍ تجمع عروسين بسلام
“ محمد وريم  ” الغمام اللي على الحفلة دنا