حكاية حسن

فوق غصن الوردِ رفرف عندليبْ
وانتبَه في خاطر الورد احتمالْ
–
ياسوالف عطرها اللي ما تغيبْ
خبّريْ قلب المولّه عن سؤالْ
–
هي حكاية حسْن أوْ هيْ نفحِ طِيْبْ
هي جمال الروح أو روح الجمالْ
–
وردةٍ طلّت لها سحرٍ عجيب
في قلوبٍ تنتظرها بانشغال
–
جتّ تثنّى كنّها غصنٍ رطيب
تبتسم والحفلِ أرضٍ من خَيال
–
من تكون ومنهو اللي له نصيب
يمتلك أغلى الجواهر بالحلال
–
منىيا شوق القصيد وبك يطيب
كل نسمة مرّتك زادت دلال
–
يا هنيّ الورد ليْديْنِك قريب
يا هنيّ العطر بالكفين سالْ
–
يا عسى تضوي حياتك بالحبيب
عبدالله اللي ميّزَتْهْ أحلى الخصال
–
جعْل أيامك أماني ما تخيب
بالسعادة والمحبة والوصال