نجمة الليلة

يانجمة الليلة اللي تشبه الماسه * ليلة ونجمة مسا بالحسن مزدانة
لليل لهفة عليها ردت أنفاسه * من يوم طلت عليها وزانت ألوانه
–
غار القمر من حلاها وأعلن إفلاسه * والليل فيها تغنى يعزف ألحانه
والكون ساعة لمحها وانجلى باسه * قال الحلا كله أنتي وأنتي وجدانه
–
وأنتي الوفا والشرف لبستي لباسه * وأنتي الغلا  يا رحاب  والحب وأشجانه
وأنتي بهالليلة آية يابعد ناسه * وفي كل ليلة وليلة أروع إنسانه
–
رحاب الغلا والحلا والحب وأساسه * وهي حياة الغلا هي ضحكة أزمانه
يسلم لها نايف  اللي مرتفع راسه * مرفوع راسه بطيبه والكرم زانه
–
حاز المروّة وثوب المرجلة قاسه * وصار قد المراجل يدفع أثمانه
يستاهل النجمة اللي تشبه الماسه * هي نجمة بالوفا والحسن مزدانه