زفة

تمناها

للفنان محمد الجبالي
زفة تحكي الأمنيات بين عروسين وأغنية حب يصل مداها إلى القمر في ليلة عرس فريدة.
4,000 ر.س
إزالة
الكلمات

تمناها رسمها على القمر والغيم
ومن يومه يحبها وفي غلاها يهيم

وصارت الليلة فرحتهم وكلن قال
يارب هني شذى وأسعد عبدالله

شذى عروس سبحان اللي باريها
يفوح العود لامن جابوا طاريها

لها حضور يخاويه الفرح والنور
شذى تسوى الدنيا ومافيها

سوالفها شهد وسكوتها عنبر
رقيقة وأنعم من الورد والمرمر

جميلة ومن حلاوة وجهها لما
نقول شذى قمر حتى القمر يغتر

ياليل الود سلم على النجوم وهات
تهانيهم عشان عيونها الحلوات

لعروس في أدبها وحياها ايات
بنت المفيريج الغالية بالذات

شذى ابوها الشيخ عبدالرحمن
وامها بنت العوله منيره

اللي اخلاقهم للحسن عنوان
قدرهم وجودهم صعب تصويره

ويارب اجزاهم اعلى الجنان
وهل عليهم السعد تباشيره

عروس كثر مافيها دلال وضيء
ياحي أرض تشيلك ياشذى ياحي

عيونن شافت وصلت على الهادي
وروح سبحت باسم العظيم الحي

تربت على السنع وأطيب مواجيبه
وصارت زوجة اللي تاجه الطيبة

خذها الوفي ولد الجامع عبدالله
أمير المعنى ونسل العز والهيبة

هذاك اللي سمو النور في قباله
هذاك اللي الكرم من راسه لضلاله

هذاك اللي خصاله لو بنحسبها
يضيع العد ومانستوفي خصاله

عسى الرحمن يسعد قلبه ويصونه
ويجعل خطوته في الخير مقرونه

ويارب امين يبقى بقلبها خالد
وتبقى هي شذى وقرة عيونه

المزيد
من آداء

لا توجد مراجعات بعد.

ما رأيك بـ تمناها؟

سلّة مشترياتك
  • لا يوجد منتجات في سلة المشتريات.

للأسف :(

متصفحك غير مدعوم، من فضلك قم بالترقية لمتصفح أحدث!